మధురోహ మాలికలు

తుషారపు జల్లులు కావవి మంచి ముత్యపు చినుకులు
మంచుదిబ్బల్లు కావవి మలచని పరుపు దొంతరలు

పిల్లగాలి పిలుపులు కావవి గండు కోయిలల పలుకులు
నీలిమబ్బు విరుపులు కావవి నింగిన మెరిసిన తారకలు

పక్షుల కిలకిలరావములు కావవి పసిపాప నవ్వుల కేరింతలు
పచ్చని పసిరికలు కావవి తడిసిన పసిడి వన్నెల కాంతులు

మదినూహించినవి కావివి మదినిడిన దృశ్యమాలికలు
మధురోహలతో లిఖించిన అదృశ్య వర్ణవీచికలు

నా బ్లాగ్ కోసం నా స్నేహితురాలు కల్పన పంపించింది.